APRENDE LSe
A comunidade xorda, posúe unha cultura moi rica e cunha identidade propia moi significativa. Aprender LSE e comunicar con persoas xordas pode abrir un mundo novo que moi poucos coñecen.
Ademais, e aínda que moitos non o crean, a Lingua de Signos pode ser moi útil en situacións da túa vida diaria.
BENEFICIOS
A Lingua de Signos é algo máis que unha vía de comunicación entre persoas xordas. Diversos estudos certifican que o seu uso achega innumerables beneficios tanto a persoas xordas como oíntes:
- Aumenta o campo e percepción visuais.
- Fomenta as habilidades artísticas.
- Axuda a mellorar as dotes comunicativas.
- Aumenta a memoria e a capacidade de resolver problemas.
- Potencia o control da linguaxe non verbal.
- Mellora as competencias sociais.
- Constitúe un importante compoñente de cohesión social para as persoas xordas.
- Favorece a adquisición da linguaxe oral en bebés xordos ou oíntes.
- Mellora a comunicación dos bebés cos seus proxenitores.
O achegamento da Lingua de Signos á poboación xeral, favorece a interacción da comunidade xorda e a oínte, a inclusión do colectivo e a normalización da Lingua de Signos como medio de comunicación. Na AXF ofrecemos formación en Lingua de Signos adaptada ás necesidades de cada grupo. Cóntase cunha Profesora Persoa Xorda Especialista en Lingua de Signos.
