SENSIBILIZACIÓNS
As nosas sensibilizacións son gratuítas e teñen como obxectivo concienciar e sensibilizar á sociedade oínte sobre a diversidade das persoas xordas e o valor da LSE.
Que aprenderás ou conseguirás neste taller?
A metodoloxía é participativa, divertida e dinámica, con casos prácticos segundo o ámbito ao que nos diriximos. Dura aproximadamente unha hora e inclúe un test inicial, información, xogos e mesmo iniciación práctica á LSE.
- Coñecer que é unha persoa xorda e a heteroxeneidade do colectivo.
- Coñecer o perfil profesional do intérprete e do guía-intérprete.
- Aprender estratexias de comunicación cunha persoa xorda.
- Tomar conciencia sobre o valor e a importancia da LSE.
- Eliminar os prexuízos sobre as persoas xordas e a LSE.
- Aprenderás algúns signos básicos.
Na actualidade, seguen existindo moitos conceptos erróneos sobre a comunidade xorda e prexuízos sobre a lingua de signos española ( LSE). Por exemplo:
¿As persoas xordas poden falar? ¿A lingua de signos é universal? ¿As persoas xordas poden conducir?
Tes dúbidas? Non te preocupes, contacta connosco e facilitarémosvos a organización da sensibilización gratuíta que se adapte ás vosas necesidades.
Calquera empresa, centro escolar ou entidade pública ou privada, pode solicitar os nosos talleres, charlas ou contacontos, para así colaborar na eliminación das barreiras de comunicación e facendo o seu lugar de traballo máis accesible.
